साप्ताहिक टिळक रत्न

परभणीच्या जिल्हाधिकारीपदी अण्णासाहेब चव्हाण रुजू,संजयसिंह चव्हाण यांच्याकडून स्वीकारला पदभार परभणी (टिळक रत्न प्रतिनिधी):- परभणी जिल्ह्याचे नूतन जिल्हाधिकारी अण्णासाहेब चव्हाण यांनी आज जिल्हाधिकारी संजयसिंह चव्हाण यांच्याकडून पदभार स्वीकारला. संजयसिंह चव्हाण हे नियत वयोमानानुसार आज सेवानिवृत्त झाले.जिल्हाधिकारी कार्यालयात पदभार हस्तांतरणाची प्रक्रिया पार पडली. यानंतर अण्णासाहेब चव्हाण यांनी जिल्हाधिकारी पदाची जबाबदारी स्वीकारत जिल्हा प्रशासनाची सूत्रे हाती घेतली.

किन्होळा पूल नव्हे, हा प्रशासकीय निष्काळजीपणाचा ‘मृत्यूचा सापळा’! ​ पाच बळी गेल्यानंतरही राष्ट्रीय महामार्ग प्राधिकरण आणि कंत्राटदारांची निद्रीस्त अवस्था कायम; अजून किती जणांचे प्राण गेल्यावर प्रशासन जागे होणार? ​ परभणी / ताडकळ (टिळक रत्न) :  कल्याण-निर्मल राष्ट्रीय महामार्ग क्रमांक ६१ वरील किन्होळा पाटीजवळचा पूल प्रवाशांसाठी रहदारीचा मार्ग नसून थेट ‘यमराज्याचा रस्ता’ बनला आहे. अवघ्या चार वर्षांपूर्वी लाखो रुपये खर्च करून निकृष्ट दर्जाचे बांधकाम केलेला हा पूल अवघ्या एका वर्षात खचला. त्यामुळे प्रशासनाने तो पाडला खरा, परंतु प्रवाशांच्या सुरक्षेचा कोणताही गांभीर्याने विचार न करता तयार केलेल्या धोकादायक आणि असुरक्षित वळणामुळे हा रस्ता आता निष्पाप नागरिकांच्या जिवांवर बेतत आहे.या अत्यंत धोकादायक वळणावर आणि पुलाच्या खचलेल्या भागामुळे मागील दोन महिन्यांत तब्बल १२ भीषण अपघात झाले आहेत. यात ५ निष्पाप नागरिकांचा बळी गेला असून १८ जण गंभीर जखमी झाले आहेत. विशेष म्हणजे, महिला व चिमुरड्यांचाही यात समावेश असून, बुधवारी सकाळी नांदेडकडे जाणारी एक कार याच ठिकाणी पुलाच्या पाठीशी कोसळल्याने मोठा...

परभणीत ब्रह्मकुमारी शिवानी दीदींचे 'खुशियों का पासवर्ड' अध्यात्मिक व मार्गदर्शक व्याख्यानाचे आयोजन! परभणी ( टिळक रत्न प्रतिनिधी):-  प्रसिद्ध जीवन प्रबंधन विशेषज्ञ आणि आंतरराष्ट्रीय प्रेरक वक्ता ब्रह्मकुमारी शिवानी दीदी यांच्या प्रमुख उपस्थितीत परभणी येथे 'खुशियों का पासवर्ड' या विशेष मार्गदर्शक कार्यक्रमाचे आयोजन करण्यात आले आहे. राष्ट्रपतीद्वारा 'नारीशक्ती पुरस्कार २०१८' ने सन्मानित झालेल्या शिवानी दीदी या कार्यक्रमातून नागरिकांना मार्गदर्शन करणार आहेत.  कार्यक्रमाचे आयोजन  ​ दिनांक: सोमवार, १६ नोव्हेंबर २०२६ संध्याकाळी ५:३० ते ८:०० वाजेपर्यंत ​ , अश्वमेध ग्राउंड, विद्यार्थी कल्याण कार्यालय, वसंतराव नाईक मराठवाडा कृषि विद्यापीठ, परभणी या कार्यक्रमाचा लाभ घेण्यासाठी नागरिकांनी नोंदणी (Registration) करणे आवश्यक असून, त्यासाठी omshanti.in/bks या संकेतस्थळाला भेट द्यावी किंवा  QR कोडचा वापर करावा, असे आवाहन आयोजकांच्या वतीने करण्यात आले आहे. 

मोठी बातमी! परभणी एमआयडीसी मधील शिवम मसाल्याच्या फॅक्टरीवर अन्न व औषध प्रशासनाचा दणका; सणासुदीच्या तोंडावर तब्बल २१ लाखांहून अधिकचा निकृष्ट दर्जाचा मसाला जप्त! परभणी (टिळक रत्न प्रतिनिधी) : सणासुदीच्या काळात सर्वसामान्यांच्या आरोग्याशी खेळणाऱ्या अन्न व्यावसायिकांवर अन्न व औषध प्रशासनाने (FDA) अत्यंत कठोर पावले उचलली आहेत. आयुक्त तुकाराम मुंढे यांच्या निर्देशानुसार सुरू असलेल्या 'सुरक्षित अन्न- निरोगी महाराष्ट्र' मोहिमेअंतर्गत परभणी जिल्ह्यात मोठी धडक कारवाई करण्यात आली आहे. परभणीच्या MIDC परिसरातील 'मे. शिवम फूड टेक' या मसाला उत्पादक कारखान्यावर धाड टाकून प्रशासनाने तब्बल २१ लाख ७४ हजार ५५० रुपये किमतीचा अयोग्य, संशयास्पद आणि निकृष्ट दर्जाचा अन्नसाठा जप्त केला आहे. सणासुदीच्या दिवसांत फसवणूक करत नागरिकांच्या जीवाशी खेळणाऱ्या आस्थापनेचा पर्दाफाश झाल्याने परभणी जिल्ह्यात मोठी खळबळ उडाली आहे. दिनांक २६ ऑक्टोबर २०२६ रोजी FDA च्या पथकाने अचानक केलेल्या या तपासणीत अन्नसुरक्षेच्या निकषांचे अक्षरशः धिंडवडे निघाल्याचे दिसून आले.  कारखान्यात मसाल्यांची अयोग्य व अनियंत्रित साठवणू...

झरीकर फुड्सवर छापा, ६ लाख ९४ हजारांचा निकृष्ट दर्जाचा हळद आणि धने पावडर जप्त... परभणीत FDA ची धडक कारवाई ​ परभणी (टिळक रत्न प्रतिनिधी):-  अन्न व औषध प्रशासन (FDA) परभणी कार्यालयाने सणासुदीच्या पार्श्वभूमीवर नागरिकांना निर्भेळ व सुरक्षित अन्नपदार्थ उपलब्ध करून देण्यासाठी एका मोठ्या कारवाईत परभणी तालुक्यातील झरी येथील 'मे. झरीकर फुड्स प्रायव्हेट लिमिटेड' या पेढीवर धाड टाकली आहे. या तपासणीत निकृष्ट दर्जाचा संशय, अस्वच्छ साठवणूक आणि चुकीचे लेबलिंग आढळल्याने तब्बल ६ लाख ९४ हजार ९२० रुपयांचा माल जप्त करण्यात आला आहे. अन्न व औषध प्रशासनाच्या पथकाने २५ ऑक्टोबर २०२६ रोजी झरीकर फुड्सच्या कारखान्याची प्रत्यक्ष पाहणी केली. या तपासणीदरम्यान अन्नपदार्थांच्या साठवणुकीत मोठी अनियमितता आणि अस्वच्छता दिसून आली. तसेच उत्पादनांवर चुकीचे लेबलिंग आणि माल निकृष्ट दर्जाचा असल्याचा संशय आल्याने प्रशासनाने तत्काळ कारवाई करत अन्नसाठा जप्त केला.  हळकुंड : ५९८ किलो, किंमत रु. १,७९,४००,  धने पावडर : १४४० किलो (२८८० पाकिटे), किंमत रु. ५,१५,५२० एकूण रु. ६,९४,९२०/- रुपयांचा माल जप्त करण्यात आला आहे. ज...

संकटांवर मात करणारी सामूहिक शक्ती निर्माण करणे हेच संघाचे कार्य - आलोक कुमार परभणीत राष्ट्रीय स्वयंसेवक संघाचा विजयादशमी उत्सव संपन्न; ​ परभणी (टिळक रत्न)-  राष्ट्रीय स्वयंसेवक संघाच्या वतीने परभणी येथे विजयादशमी उत्सव अत्यंत उत्साहात पार पडला. या कार्यक्रमात संघाचे सह सरकार्यवाह मा. श्री. आलोक कुमारजी प्रमुख वक्ता म्हणून उपस्थित होते. त्यांनी आपल्या मार्गदर्शनात समाजापुढील आव्हाने, सामाजिक शक्ती आणि राष्ट्रहित या विषयांवर महत्त्वपूर्ण विचार मांडले. ​प्रत्येक कालखंडात समाजासमोर विविध संकटे उभी राहत असतात, मात्र या संकटांवर मात करण्याची अफाट शक्ती समाजातच विद्यमान असते. ही सुप्त शक्ती जागृत करणे, समाज संघटित करणे आणि राष्ट्रहितासाठी त्याला सज्ज ठेवणे हेच राष्ट्रीय स्वयंसेवक संघाचे मुख्य कार्य असल्याचे त्यांनी सांगितले. ​समाजातील प्रत्येक घटकाने स्वयंस्फूर्तीने संघटित होऊन संकटाच्या काळात एकमेकांच्या मदतीला धावून जावे आणि राष्ट्रउभारणीत सक्रिय योगदान द्यावे, अशी संघाची अपेक्षा आहे. समाजात आर्थिक व भौतिक संपन्नता वाढीस लागत असतानाच, देशविरोधी प्रवृत्ती आणि चळवळींबाबत नागरिकांनी अधि...