परभणीत उद्या 20 एप्रिल रोजी फक्त अत्यावश्यक सेवा व दुकाने सकाळी 7 ते दु 2 पर्यंत चालू राहतील

परभणी शहरातील नागरिकांनी अत्यावश्यक वस्तूंची खरेदी  २० एप्रिल रोजी सकाळी ७  ते दुपारी २ या कालावधीतच करावी

(घरपोच वृत्तपत्र वाटप बंद राहील)

         परभणी दि.19 (प्रतिनिधी) :- राज्य शासनाने करोना विषाणूचा ( कोव्हीड १९ ) प्रादुर्भाव रोखण्यासाठी राज्यात प्रतिबंधात्मक करणेसाठी राज्य शासनाने दिनांक  १७ एप्रिल २०२०  सुधारित अधिसूचना निर्गमित केली आहे जिल्हाधिकारी तथा अध्यक्ष जिल्हा आपत्ती व्यवस्थापन प्राधिकरण , परभणी करोना विषाणूचा संसर्ग वाढू नये यासाठी महाराष्ट्र शासनाने संपूर्ण राज्यात दिनांक ३ . मे २०२० पर्यंत पूर्ण लॉकडाऊन घोषित केलेले आहे . परभणी शहर महानगरपालिका हद्दीमध्ये एक रुग्ण करोना बाधित आढळल्याने परभणी शहर व तीन किमी च्या परिसरात दिनांक . १९ एप्रिल २०२० पर्यंत संचारबंदी लागू करण्यात आलेली होती .  परभणीत असे निदर्शनास आले आहे की , नागरिकांची अत्यावश्यक वस्तूंच्या खरेदीसाठी गैरसोय होण्याची शक्यता आहे . त्यामुळे परभणीचे जिल्हाधिकारी तथा अध्यक्ष जिल्हा आपत्ती व्यवस्थापन प्राधिकरण , परभणी आदेशीत केले की , परभणी शहरातील नागरिकांनी अत्यावश्यक वस्तूंच्या खरेदी दिनांक २० एप्रिल २०२० रोजी सकाळी ०७ . ०० ते दुपारी ०२ . ०० या कालावधीतच करावी . 

      या कालावधीत फक्त दुध विक्री , फळे व भाजीपाला विक्री , किराणा दुकाने , पेट्रोलपंप ,गॅस व औषधी दुकाने ही दुकाने चालू राहतील . ईतर सर्व दुकाने या कालावधीत बंद राहतील . जिल्ह्यात ईतर सर्व ठिकाणीसुद्धा वरील कालावधीत केवळ अत्यावश्यक सेवेचीच दुकाने चालू राहतील . व ईतर सर्व आस्थापना बंद राहतील परभणी जिल्ह्यातील नागरिकांनी , अत्यावश्यक कामाशिवाय घराबाहेर पडू नये अन्यथा जिल्ह्यामध्ये फौजदारी प्रक्रिया संहितेचे कलम १४४ आदेशाचे पालन न करणा - या नागरिकांवर कडक कार्यवाही करण्यात येईल . असे जिल्हाधिकारी परभणी यांनी कळविले आहे.